निक साइमन्स इन्स्टिच्यूट एउटा नेपाली संस्था हो जसको मुख्य उद्देश्य तालिम तथा अस्पताल सहयोगको माध्यमबाट ग्रामीण स्वास्थ्यसेवामा रहेको समस्याहरु समाधानको उपायहरु पत्ता लगाई तिनीहरुको स्तरवृद्धिको लागि नेपाल सरकारसँग पैरवी गर्नु रहेको छ । ग्रामीण समुदायका मानिसहरुमा स्वास्थ्य सेवाको पहुँच नपुग्नुमा देशको विकट पहाडी भूभाग तथा गरिवी प्रमुख बाधकको रुपमा रहेको छ । नेपालको आधाभन्दा बढी दुर्गम जिल्लाहरुमा अहिलेसम्म पनि शल्यक्रिया (अपरेशन) लगायतका आधारभूत आकस्मिक सेवाहरु पुग्न सकेको छैन ।

एनएसआई निम्न सिद्धान्तहरु अनुसरण गरी कार्य गर्दछ :

• नेपालको दुर्गम क्षेत्रको प्रमुख स्वास्थ्य सेवा प्रदायकको रुपमा रहेको स्वास्थ्य मन्त्रालयसँग नजीकबाट सहकार्य गर्दछ ।
• तालिमका लागि रणनैतिकि रुपमा त्यस्ता सहभागीहरुलाई छनौट गर्दछ जो परम्परागत रुपमा रहेको मेडिकल जिम्मेवारीलाई नयाँ पुस्तामा हस्तान्तरण गर्न सहभागी हुने ।
• तालिम पश्चात्को सहयोगलाई निरन्तरता दिनुका साथै कार्यस्थल सहयोग तथा सो सम्बन्धी समस्यालाई सम्बन्धित निकायहरुसम्म पु-याउने ।
• नेपालको परिवेशमा मिल्ने किसिमको विषयबस्तुहरुलाई अनुसन्धान गरी नौलो विषयवस्तुको प्रतिपादन गर्ने ।

एनएसआईको स्थापना सन् २००६ मा एकजना अमेरिकी युवक निक साइमन्स, जो नेपालमा काम गर्थे र नेपाललाई धेरै माया गर्थे, को सम्झनामा भएको थियो । उनको सन् २००३ मा दुर्घटनामा परी देहवसान भएको थियो । यो संस्था विशिष्ट नेपाली बुद्धिजीवी तथा विज्ञहरुको समितिबाट संचालित छ ।

एनएसआईको मूल्य मान्यताहरु:

• बाँड्नु र वास्ता गर्नु (Share and Care)
• विशिष्टता (Excellence)
• निष्ठा (Integrity), र
• प्रत्येक व्यक्तिलाई आदर गर्नु (Respect for the Individual)